DSE 考試就快到啦，尤其係英文聆聽考試，大家一定要準備好收音機！今次我哋就嚟講下，點樣選擇合適嘅收音機同埋考試前需要注意嘅事項，
所謂「工欲善其事，必先利其器」！到底要用咩牌子嘅收音機？DSE 考試收音機要去邊到買？今日小編就帶大家睇下 DSE 收音機同 listening 嘅事前準備！
點解要用收音機？
喺 DSE 嘅聆聽考試中，學生需要用收音機接收考試電台嘅廣播。根據你准考證上列出嘅考試場地，可能需要耳筒或者收音機。例如，如果你喺電台廣播嘅考場，就要自備耳筒同收音機；但如果係用紅外線接收系統，就只需要合規格嘅耳筒就可以啦。
考評局對收音機有咩要求？
- 可以收聽 FM 電台廣播：每年考試都用香港電台第二台廣播，記住要確保收音機可以接收 FM 94.8 - 96.9 MHz 嘅頻率，唔好用舊式只收 AM 嘅收音機。
- 符合尺寸：收音機尺寸要喺 46厘米 x 15厘米 x 15厘米（即 18吋 x 6吋 x 6吋）之內，咁先可以放得下考試桌上。
- 自備耳筒：考評局規定耳筒要無 speaker 同音量控制鍵，唔可以有三個絕緣環，所以手機送嘅耳筒就唔合格啦！合規格耳筒需要有直徑 3.5mm 嘅插頭同兩個絕緣環。
- 唔可以用其他電子設備：
- 例如 MP3 機、手機，或者內置收音機嘅耳筒唔得。
- 用放置咗儲存媒體嘅器材唔得。
- 收音機天線阻礙到其他考生或者阻塞通道都唔得。
2025 HKDSE 收音機推介
咁多收音機中，點揀到符合 DSE 規格嘅？我哋特別推介幾款，方便同學仔網上購買：
各大品牌 HKDSE 收音機比較
Aitkenson - 5** Radio Classic
價錢：$190 (依家即刻 Click 入下面條link去official website購買，即享買 2 件或以上，使用優惠碼"DSE25"可享 9 折優惠！)
產品連結：Aitkenson 5** Radio Classic
評價：
- 考試專用✍🏻- Aitkenson 收音機專為DSE考試而設，只接收考試電台 (RTHK2) 頻道，絕不可能受到干擾而跳台。
- 操作簡易⚙️- 開機後不需要作仼何調較，收音機會自動獲取同學考場所在位置嘅考試頻道。
- 附送耳機🎁- 收音機配備符合考評局規格嘅耳機，同學不需另外購買。
Aitkenson - 5** Radio PRO
價錢：$230 (依家即刻 Click 入下面條link去official website購買，即享買 2 件或以上，使用優惠碼"DSE25"可享 9 折優惠！)
評價：
- 考試專用✍🏻- Aitkenson 收音機專為DSE考試而設，只接收考試電台 (RTHK2) 頻道，絕不可能受到干擾而跳台。
- 操作簡易⚙️- 開機後不需要作仼何調較，收音機會自動獲取同學考場所在位置嘅考試頻道。另設有手動循環轉台功能，考生可以係不同考試頻道間順序轉換，測試是否能夠清楚收聽到考試內容。
- 附送耳機🎁- 收音機配備符合考評局規格嘅耳機，同學不需另外購買。
Aitkenson - 5** Radio Classic 同 PRO 有咩分別？
📌 相同之處：
- Classic 同 PRO 兩款都係「一鍵開考」設計，開機後唔需要調整，收音機會自動搵到最佳考試頻道。
📌 不同之處：
- Classic 型號會自動搵到最佳考試頻道，但冇手動轉台功能。
- PRO 型號同樣會自動搵到最佳考試頻道，仲有多一個手動循環轉台功能，讓考生可以喺不同考試頻道之間自由轉換。
Corus - CORUS DSE-555A
價錢：$338
評價：
- 考試專用✍🏻- 自動識別所有HKDSE考試頻率(現時為7個, 94.8-96.9MHz)，自動搜索最佳考試頻率。
- 操作簡易⚙️-考試模式強制單聲道收聽，考試內容以數字準確顯示頻率，調台無需靠估。
- 附送耳機🎁- 收音機配備符合考評局規格嘅耳機，同學不需另外購買。
- 價錢較一般收音機昂貴不少，但勝在發揮穩定有保證。
Panasonic - RFP150
價錢：$138
產品連結：Panasonic - RFP150
評價：
- 經濟之選，並且包一年保養。
Teledevice - FM-8
價錢：$114
產品連結：Teledevice - FM-8
評價：
- 尺寸小巧便於攜帶。
Sony - ICF-P26
價錢：$138
產品連結：Sony - ICF-P26
評價：
- 有LED調校及電量顯示屏。
買邊款 DSE 收音機好？點樣買到？
有報紙請咗電子同資訊工程方面嘅專家測試咗三款唔同價位嘅收音機，結果發現最貴嗰款雜音比較少，但其他型號嘅音質都算可以接受。
小編認為最重要嘅係考慮自己可接受嘅價錢範圍來選擇，除咗網上購買，如果可以，最好去實地試機，記得同售貨員逐項核對考評局嘅要求，咁就冇錯啦！其他可以買到收音機嘅地方包括：
- 豐澤
- Sony
- 商務印書館
- 鴨寮街（記住要小心試機同留意保養期限）
考試前注意事項
- 選擇單聲道模式：如果收音機有立體聲同單聲道兩種模式，記得選擇單聲道，咁音質會更清晰。
- 熟習操作：考試前最好喺屋企試下調校頻道同音量，確保一切正常運作。
- 準備好後備電池：帶多幾粒電池，考場唔會有備用電池，記得新電池要放入機內。
- 注意考規：如果收音機唔符合要求，可能會被安排去特別室考試。
咩係「特別室」？
考試開始前，監考員會叫同學將收音機調校到正確嘅電台，仲會檢查你嘅設備。如果你遇到特別情況，就會被安排去「特別室」。喺特別室入面有部座枱式收音機，同學可以聽到電台廣播，唔使戴耳機。
喺「特別室」考試嘅同學都要填一份「特別室考試報告書」。
入特別室一定會扣分嗎？
未必嘅！以下情況就唔會扣分：
- 帶嘅收音機或者耳筒唔可以正常運作
- 收音機接收唔到指定電台或者信號唔清楚
- 收音機太大
但如果有以下情況，就有機會被扣分：
- 無帶收音機
- 無耳筒或者電池
- 遲過30分鐘到考場
- 收音機唔符合規格，或者帶咗其他有收音功能嘅器材（例如 MP3 機）
- 喺特別室入面用自己嘅耳筒式收音機聽考試廣播
所以同學記住要早啲準備好，避免被考評局扣分！
八個你一定諗過嘅常見問題
- 應試專用收音機真係好啲嗎 ？
其實要視乎同學仔嘅需要，即使唔係專門為 DSE 推出嘅收音機，市面上大多數收音機都符合卷三聆聽嘅要求，記住要留意尺寸就得。 - 咩係攻擊型 / 防禦型收音機？
- 攻擊型收音機：有特長天線，可以干擾其他考生嘅接收訊號。
- 防禦型收音機：接收範圍大，抗干擾能力強。
不過呢啲都係坊間傳言，其實考評局有諮詢過廣播電訊專家，澄清收音機嘅天線長短唔會影響附近其他收音機嘅質素。
- 可唔可以選擇去紅外線試場？
唔可以！同學要留意准考證上嘅資料，如果被分配到用紅外線接收系統嘅試場，准考證上會有「#」號顯示。 - 需要帶多兩部或者三部收音機做備用嗎？
好多同學會帶多部收音機以防萬一，其實只帶一部都可以。如果嗰部收音機臨場唔掂，依然可以申請入特別室考試，唔會扣分。 - 可唔可以同時用兩部收音機考試？
理論上可以，之前有同學試過帶兩部收音機入去，測試邊部清晰再選擇。不過左右耳各用唔同收音機嘅效果就見仁見智啦。 - 如果到時真係有雜音點算？
同學仔可以申請入特別室。 - 可唔可以要求入去特別室？
可以的，如果有合理理由可以向監考員申請，但要留意邊啲情況會扣分，邊啲唔會。 - 有冇考評局認證嘅收音機？
冇！唔同於計數機有 H.K.E.A.A. 認證，收音機係冇考評局認證嘅。坊間賣嘅考試專用收音機，同學要自己判斷啱唔啱規格。
準備好之後，記得考試前再檢查一次所有設備，確保一切順利！