今日小編幫大家整理咗八大院校2025年最新嘅JUPAS入學分數、收生要求同計分方法！呢八間政府資助大學包括HKU、CUHK、HKUST、CityU、PolyU、BUHK、EdU同LingU，仲有兩間比較受學生歡迎嘅自資大學HSU同HKMU（即OUHK）。睇完呢篇文章，保證你短時間內就明白今年八大院校嘅入學分數同收生要求嘅重點！
【全港最齊】香港八大 JUPAS 入學分數終極懶人包
排 JUPAS 之前，一定要睇清楚每個學科嘅收生要求。呢個懶人包整合咗全港八大政府資助院校（HKU、CUHK、HKUST、BUHK、CityU、PolyU、LingU、EduHK）同兩間自資院校（HSU、HKMU）嘅 JUPAS 入學分數，幫各位同學仔輕鬆比較唔同學科嘅收生要求，讓你高效排 JUPAS！
香港大學 The University of Hong Kong
香港大學嘅基本收生要求係「332A33」，即係中英文要達到 DSE 3 級水平，數學要 2 級，而公民與社會發展科要達到合格 A 水平，另外選修科都要有兩科達到 3 級。
「達標並表現優異」的 JUPAS 計分方法：
特別要留意，香港大學對於考得「達標並表現優異」（Attained with Distinction）嘅同學有特別嘅計分方法：
即係話，越多 5** 就越有利！專精型考生會比平均型考生有更大優勢！
唔明？睇下下面個例子：
係啊！雖然同學 A 同 B 嘅 Best 5 一樣高，但因為最新嘅加分機制，同學 B 輕鬆高分過同學 A！😱 所以要喺新計分方法下突圍而出，記得參考 HKU JUPAS Admission Score！
香港大學收生分數和要求：每科不同
同學要留意，即使你達到「332A33」嘅基本收生水平，唔代表你可以入讀你心儀嘅學科。「332A33」只係基本入讀要求，不同學科會有自己嘅入讀要求，甚至可能需要面試。
就以 JS6103 Bachelor of Pharmacy（藥學學士）為例：
係藥學學士嘅學科入面，基本收生要求就係「433A33」，即係英文要 Level 4，其他科目要 Level 3，先可以達到入讀藥學學士嘅要求。
即使達到基本要求，同學仲要參考該學科嘅收生分數（Admission Score）：如果想穩入呢個學科，DSE 預測分數一定要高過學科嘅 Upper Quartile，咁先算穩陣！而家仲有時間，記得唔好放棄啊！
HKU JUPAS 面試
就算成績達到要求，Bachelor of Pharmacy 仲有面試環節，呢個面試分數都可能影響你入讀呢個學科嘅機會！
所以同學要特別留意！雖然有啲學校或補習社會建議你「專攻」某科，但記住要確保自己符合心儀學科嘅入讀要求，做好面試準備，先可以萬無一失！唔單止藥學會有面試，其他學科都有機會需要面試㗎！
香港中文大學 The Chinese University of Hong Kong
中文大學嘅基本收生要求都係「332A33」，即係中英文要達到 DSE 3 級，數學要 2 級，公民與社會發展科要達到合格 A 水平，仲有兩科選修科都需達到 3 級。
中大入學分數和要求：
每間大學都差唔多，即使你滿足咗基本入學要求，仲需要達到學院或者該學科嘅特定入讀要求，先算達標。同學可以參考2025年中文大學對於唔同學科嘅收生要求，了解自己需要喺文憑試中考幾多分，然後調整自己嘅溫習計劃。
記住，要穩入一個學科，預測分數至少要高過 Upper Quartile！所以同學一定要做足準備，找出過去三年中大嘅 admission score 作為參考！
「達標並表現優異」的 JUPAS 計分方法：
特別要留意，香港中文大學對於考得「達標並表現優異」（Attained with Distinction）嘅同學有特別嘅計分方法：
喺排 JUPAS 嘅時候，記得要參考 CUHK 嘅 admission score！
2025 年中大面試安排
有啲學科會設有面試環節，面試分數可能會影響你能否成功入讀大學，所以同學要記住！唔好喺考完 DSE 後就唔理一切，要預留時間參加心儀學科嘅面試！
第二次或以上於文憑試考讀該學科的 JUPAS Admission Score 調整
如果你係重考生，可能會面對調整嘅問題。某啲學科會對你多次考同一科嘅成績作出減分處理...... 詳情可以參考相關文件：
各科彈性收生安排
https://admission.cuhk.edu.hk/wp-content/uploads/2024/10/Flexible-Admission-Arrangement-2025.pdf
香港科技大學 The Hong Kong University of Science and Technology
香港科技大學連續多年被評為亞洲三大最佳高等學府之一。雖然科大嘅基本收分要求同 HKU 同 CUHK 一樣，都係「332A33」，但其實大部分課程要求英文成績達到 4 級水平，換句話講，實際上入讀要求應該視作「432A33」會比較穩妥。所以想入科大嘅同學要特別留意啦！
科大入學分數和要求：
科大基本入學要求同其他大學差唔多，但記住，就算你達到基本要求，仲要符合學院或者該學科嘅特定入讀要求，先算達標。而且你嘅 DSE 分數要同佢預測嘅收生分數（Admission Score）相近。UST 大部分學科對英文和數學嘅加成比較重，而人文學院嘅 BSc in Global China Studies 係唯一一科對中文科有加成嘅學科，所以想入 UST 嘅同學，可以喺英文同數學多花啲時間啦！有關唔同學院嘅收生要求，大家可以參考2025科大嘅收生要求。
善用科技：用聯招計分神器計算入學分數
科大嘅網站有 UST JUPAS Calculator，大家可以揀返自己心儀嘅學科，然後輸入你嘅 JUPAS 分數。JUPAS Score Calculator 會幫你計算經過學科加成後嘅分數，仲會顯示 UST 該學科嘅基本收生要求同歷年收生分數，包括最高可達到的分數、中位數同 LQ 嘅數據，非常方便！
附上 JUPAS Calculator 嘅連結：https://join.ust.hk/jupas-score
彈性收生安排
詳情可查閱：https://join.hkust.edu.hk/zh-hant/admissions/jupas
2025年科大面試安排
注意，有啲學科會有面試環節！面試分數可能會影響你能否成功入讀大學，所以同學們記得！唔好喺考完 DSE 後就放鬆，要預留時間去參加心儀學科嘅面試！HKUST 有某啲學科係必須面試先會考慮取錄，因此考完 DSE 之後一定要留意自己嘅 Email！
香港城市大學 The City University of Hong Kong
香港城市大學注重多元化、跨文化學習同全球視野，佢由十個學院組成，其中工學院、人文及社會科學院同商學院嘅表現特別突出。而且，城大係全港唯一一間提供六年制獸醫課程嘅大學。
城市大學嘅基本收生要求係「332A33」。CityU 大部分課程會用 4 個核心科目加 2 個選修科目來計算，而唔同嘅學科對不同嘅選修科都有各自嘅加成。如果想準確了解自己入到心儀科目嘅機會，建議你參考一下 CityU Admission Score！
城大入學分數和要求：
城大唔同學科都有自己嘅收生要求，其中最高要求嘅係 JS1061 Bachelor of Laws（法律學士），要求學生喺 DSE 中英文獲得第 5 級水平；其他學科嘅基本要求大多都係「332A33」，詳情可以參考 2025城大嘅收生要求。
2025城大面試/筆試安排：
有啲學科會設有面試安排，仲有啲甚至需要筆試或者提交作品集。記得留意呢啲要求！無論係面試、筆試定係作品集的分數，都會計算落你嘅入學分數當中，唔好錯過任何可以加分嘅機會！城市大學已經發布咗2025年嘅面試/筆試安排，詳情可以上香港城市大學網站查詢！
香港理工大學 The Polytechnic University of Hong Kong
香港理工大學入學要求 (PolyU Admission Score)
香港理工大學由八間學院組成，其中視光學、物理治療、護士學、酒店管理同設計亦廣為人知。
理工大學嘅基本收生要求係「332A33」，至於入學分數（Admission Score）會根據唔同學科有所不同。PolyU 大部分學科會用 Best 5 嘅形式，即係用你喺文憑試中考到嘅最佳五科成績來計算入學分數。
理工大學收生要求：
唔同學科著重嘅特質同學習範疇都唔同，收生要求自然都各有差異。有關 PolyU 不同學科嘅基本收生要求，可以喺呢度搵到：PolyU Admission Score
2025理工大學面試/筆試安排：
理工大學會通過 Email 邀請同學參加面試，面試嘅時間同地點會透過另一個系統查詢。
到時你會喺 Email 入面收到自己嘅 Login Name 同 Password，登入之後就可以睇到面試嘅時間、地點同需要攜帶嘅物品，記得留意呀！
香港浸會大學 Hong Kong Baptist University
香港浸會大學入學要求 (HKBU Admission Score)
香港浸會大學係一間有基督教浸信會背景嘅大學，特別係傳理新聞系最出名。浸大嘅收生要求係「332A33」，但要留意浸大有三種收生計分方法，分別係：四個核心科目加兩個選修科目、四個選修科目加一個選修科目，或者用最佳的五科成績計算。大家一定要特別留意唔同學科嘅收生計分方式。
HKBU入學分數和要求：
唔同嘅學科有唔同嘅特質同學習範疇，因此收生要求都會有所不同。有關 HKBU 不同學科嘅基本收生要求同埋浸大嘅收生分數，可以喺呢度搵到：HKBU Admission Scores。
HKBU 其他資訊：
HKBU 仲有自己嘅 YouTube Channel，如果想了解更多有關 HKBU 嘅資訊，可以查閱「hongkongbaptistu」。
嶺南大學 Lingnan University
嶺南大學入學要求 (Ling U Admission Score)
嶺南大學係全港唯一一間為100%本科生提供四年全宿嘅大學。佢提供嘅學科當中，人文藝術、哲學同語文藝術特別有名。嶺大嘅收生要求係「332A2」，即中文同英文要達到文憑試3級，數學要2級，公民與社會發展科要達到合格A水平，仲要有一科選修科達到2級。JUPAS 嘅計分方法係計算學生最佳嘅五科成績（Best 5）。
嶺南大學入學分數和要求：
唔同學科都有自己嘅特質同學習範疇，因此收生要求都會有所不同。有關嶺南大學唔同學科嘅基本收生要求，可以喺呢度搵到：嶺南大學入學要求。
不同科目的 JUPAS 計分加成：
計分方法固然重要，但同學喺中學選修科或者核心科目嘅加成都唔可以忽視！有關嶺南大學唔同學科對高中科目嘅加成細則，可以參考呢個網址：JUPAS Score Calculator。有意入讀嶺大嘅同學要特別留意啦！大家可以順便參考埋 LingU JUPAS Admission Score！
香港教育大學 The Education University of Hong Kong
香港教育大學入學要求 (EdUHK Admission Score)
香港教育大學係香港唯一一間提供師範教育嘅學校。喺2022年，教育及師資培訓喺國際 QS 世界大學排名中排到全球第十七、亞洲第三，特別係幼兒教育最有名。教大嘅收生要求係「332A2」，即中文同英文要達到文憑試3級，數學要達到2級，公民與社會發展科要合格A水平，仲要有一科選修科達到2級。教大會計算文憑試考生最佳五科成績，仲有某啲高中科目會有加成。
教大乙組科目、丙組科目的 JUPAS 計分方法：
需要特別留意嘅係，教大對於乙組科目（Applied Learning Subject）同丙組科目（Other Language）有特別嘅計分方法：
EdUHK 教育大學收生分數：
作為一位教師，對自己教授嘅科目有基本認識係非常重要！有關教大對唔同選修科嘅要求，同埋教大嘅收生分數，可以參考返去上一年度嘅數據：EdUHK Admission Score。相比早幾年，教大取消咗唔少文憑試高中科目考獲5級或以上嘅要求，雖然要求降低咗，但同學仍然要留意，呢個會令更多DSE考生同你競爭同一個學位。
2025年 EdUHK 面試安排：
2025年 EdUHK 嘅面試安排，可以喺教大官方網站搵到。同學記得準備好文件，定時檢查 Email，同埋記得標記好面試時間，唔好約咗朋友去玩啊！
香港恆生大學 The Hand Seng University of Hong Kong
香港恆生大學入學要求 (HSUHK Admission Score)
香港恆生大學係2018年10月獲政府批准嘅一間私立大學。佢嘅收生要求係「332A2」，即中文同英文要達到文憑試3級，數學要2級，公民與社會發展科要達到合格A水平，仲要有一科選修科達到2級。
恆大 SSSDP 學位
雖然 HSUHK 係自資大學，但政府對某些學科都有資助，而呢啲資助嘅課程就叫做 SSSDP。SSSDP 嘅學科可以放喺 JUPAS Choice，而且因為有政府資助，所以學費會便宜啲！而家SSSDP入面嘅課程主要都係屬於決策科學學院嘅。
想知道自己想讀嘅科目有冇 SSSDP 資助就可以參考：恆大課程選擇
更多有關恆大嘅比重同選修科最低要求
如果想了解更多有關恆生大學嘅比重同選修科最低要求，可以去呢個網址搵：恆生大學2024 Admission Score。以上只係最低入學要求，所以大家記得參考埋 HSUHK JUPAS Admission Score 嘅資料啊！
HSUHK 學費資助
除咗政府提供嘅 SSSDP 資助，恆生大學仲有其他獎學金計劃。如果同學喺校內成績優秀（獲得 GPA 3.3 或以上），加上文憑試考得唔錯，就有機會申請獎學金。詳細資料可以搵恆大入學獎學金計劃查閱！
香港都會大學 Hong Kong Metropolitan University（ 香港公開大學 OUHK ）
香港都會大學入學要求 (HKMU)
香港公開大學喺2021年尾正式改名為「香港都會大學 HKMU」，係唯一一間由政府開辦嘅自資大學。佢嘅收生要求係「332A2」，即中文同英文要達到文憑試3級，數學要2級，公民與社會發展科要合格A水平，仲有一科選修科要達到2級。
HKMU SSSDP 學位
有 SSSDP 資助嘅 HKMU 課程比恆大嘅多一倍以上。根據唔同學科類別，獲得嘅資助金額都唔同。SSSDP 嘅課程需要透過 JUPAS 系統去分配，所以要排喺 JUPAS 嘅20個選擇入面。如果想知道2025/26學年有冇自己想讀嘅課程獲得 SSSDP 資助，可以去睇呢個網址：2025/26 學年「指定專業/界別課程資助計劃」下開辦的學士學位課程。
HKMU 2025 年面試/筆試安排
HKMU 已經有2025年嘅面試安排概覽，雖然未有具體日期，但已經列明邊啲課程需要面試；而部分課程更會喺 DSE 前或後安排面試。除咗物理治療要以小組形式加上個人形式面試，大部分嘅面試都會以小組形式進行。根據官方網站所示，護理及健康學院同科技學院嘅課程需要半日面試時間，而教育及語文學院嘅面試只需要一小時（護理學榮譽學士普通科或精神科嘅同學更需要同日進行筆試！）。
要知道，筆試同面試除咗DSE分數之外，係影響入學嘅重要因素，所以大家唔可以掉以輕心！更詳細嘅面試安排可以參考 HKMU 2025 年面試/筆試安排。同學仲可以喺 HKMU 網站查返去年學科嘅收生分數，咁就可以更加有方向計劃自己嘅溫習時間表啦！
總結
總結嚟講，了解香港八大大學嘅入學要求同 JUPAS 收生分數對於每位同學都好重要。無論係政府資助嘅院校定係自資大學，大家都要清楚自己想報考嘅學科要求，做好準備，特別係面試同筆試嘅安排。希望今次提供嘅資訊可以幫助大家更清晰咁計劃自己嘅升學路，爭取入讀心儀嘅課程，如果有任何疑問，隨時可以查閱相關網站，或者向學校詢問更多詳情。