【DSE BAFS】中四至中六 BAFS 溫習時間表點排？每星期溫幾耐先夠
開學一個月，第一份 BAFS 測驗派返嚟，唔少同學嘅反應都一樣：明明上堂聽得明，功課又做得到，點解一到測驗就亂晒？再望望時間表，BAFS 嘅位置係「得閒先溫」，結果係長期比其他科目打尖，唔得閒溫。
會計其實係商業語言。如果中英文科需要時間「浸」，會計亦非例外。如果你只靠靠考前兩星期狂操歷屆試題去溫書，你好容易跌入「背marking」的陷阱。會計係一層疊一層嘅邏輯，前面一個位概念不清，後面好多數字會骨牌效應跟住錯。所以「幾時溫、溫幾耐、溫咩」呢三件事，比「溫幾多份卷」重要得多。呢篇文我就用三個年級嘅角度，講一講時間表應該點排。（呢篇只講必修部分同會計選修。）
中四、中五、中六，三個年級三個目標
好多同學三年都用同一套溫法：上堂、做功課、考前先背。但三個年級嘅任務完全唔同，時間表唔應該一樣。
年級 | 目標 | 溫習重點 | 每星期建議時數 |
中四 | 跟上進度 | 每個 topic 嘅基本格式同做法，清晰每一個課題既常見考核方式，完成日校安排既功課、小測及練習 | 3 |
中五 | 整合概念知識 | 將中四開始學既課題串連。特別是錯誤更正 Correction of errors呢一課，理解過去所學如何反映在損益表 (IS) 及財務狀況表 (SFP)上 | 5 |
中六 | 快而準 | 完成所有課程內容及By-topic past papers、計時操練、基於目標決定自己操不同課題的時間 | 6 |
中四最大嘅陷阱係「聽得明」、「我識跟住老師步驟抄寫一次」就等於識。會計選修部分既內容緊密扣連。基礎如第一課的會計等式Accounting Equation 係貫穿整個中四五的會計學習。如果中四有知識缺漏，未到中六你已經會忍唔住想drop科。中五既難點在於開始要將第一天學習起嘅 topic 連成一條線，因為考試唔會逐個 topic 問你，唔會事先標明題目考核乜Topic，而係會喺一題入面要你同時運用多個 topic的知識。
至於中六，時間所限，我同學生講嘅一句係：「你唔需要識晒所有嘢，你需要知道自己升學要幾多分，然後根據自己目標決定溫乜內容，分輕重強弱。」現實考量，唔係個個同學都要追 5**，先定好目標，你先可以排出適合自己既溫習策略。
每星期溫幾耐？先答呢三條問題
「每星期溫幾耐」冇標準答案，但有三條問題可以幫你決定。
第一，你嘅錯題係邊一類？做錯題，我會叫學生分兩層去睇：係唔小心，定係概念不清？係背咗做法但唔明原理，定係根本未識？唔小心嘅錯，多做幾題就會改善；概念不清嘅錯，做一百題都係錯，一定要返去重溫對應課題，從頭開始。分清楚呢兩層，你先知道時間應該擺喺「操同類題目」定「重溫概念」。如果想知自己嘅錯題偏向邊一類，可以將最近一次測驗卷 send 俾我，免費幫你做一份錯題分析，兩日內回覆。
第二，你溫習時係用紙筆定用 iPad？雖然iPad非常方便，容易改錯，但HKDSE 仍然係以紙筆形式考試答題。答題格式、寫字行距、每頁有既書寫空間都係考生需要事先習慣的內容。我一直建議學生用考評局款式嘅答題簿練習，而唔好喺 iPad 上面做，因為考試當日你係用紙筆嘅。而用紙筆書寫，耗時有機會比你用iPad 稍為多少少時間。
第三，你係操練by-topic 定 by-year？我嘅主張好清楚：by-topic 為主軸，唔好急住操 by-year，即使你目標係 5**我都係咁講。Full year past papers 並非必須操練完成（2012開始至你應考年份）。事實上，BAFS最近一次課程改動自2025 DSE開始生效，目前只有2025年或之後試卷先符合你應考既模式。舊試卷題目雖然有參考價值，但如果你缺乏有經驗既老師區分試卷當中out-syl 內容、考法，以致Marking Scheme 當中的過時寫法，你既by-year 操練將會顯得費時失事。因此，當你專注操練By-topic 而非要自己每星期操一份by-year 咁操作，你所花既時間會花得更精準。
一個星期嘅 BAFS 溫習時間表，可以咁排
以下係一個星期嘅框架，時數留空俾你按上面三條問題自己填。
時段 | 做咩 | 時間 |
上堂當日 | 合埋筆記，將當日內容重寫一次；係寫返出嚟，唔係抄 | |
平日一次 | 做本星期 topic 嘅練習題，用答題簿手寫，做完即刻對答案 | |
平日一次 | 重溫上星期錯題：概念不清嘅返去睇筆記，唔小心嘅重做一次 | |
週末一次 | 由本星期 topic 抽一題歷屆題，計時做，睇下卷面邊啲項目攞到分 |
三個提醒。第一，「重溫錯題」嗰格唔可以刪。好多同學時間表一逼就先刪呢格，但呢格先係分數升得最快嘅一格。
第二，做題一定要對答案，而且要睇評卷參考點畀分。會計題係逐個項目計分嘅，最後個數錯咗，中間嘅workings 草算步驟仍然有分；知道分數點畀，你先知邊啲步驟一定要寫出嚟。
第三，考試前時間表要重排。中六考前兩個半月，你會開始有更多全卷或跨課題的操練，所須時間將會有所增加。
如果你想有人幫你睇下應該由邊個 topic 開始，可以由最簡單嗰步做起：
- 先攞 BAFS 會計免費資源合集。
- 將最近一次學校測驗卷或成績 send 俾我，免費分析報告兩日內回覆，你會知道自己嘅錯係邊一層。
想試堂，有兩個安排：親身到佐敦問 admin 攞 iPad 睇體驗課堂錄影（約 1 小時 45 分鐘），當日教學筆記可以帶走；或者直接參與 Live 常規課堂。WhatsApp Simon 問下 BAFS 試堂
常見問題 FAQ
1. BAFS 每星期溫幾耐先夠？
BAFS 溫習時間要視乎年級、學校進度、掌握程度及距離 DSE 嘅時間而調整。比起追求固定時數，更重要係每星期有穩定時間重溫 Concept、做題及整理錯題。原則上，愈接近 DSE，就應逐步增加操題及整合課題嘅時間。
2. BAFS 應該先做 By-topic，定係直接做 By-year Past Paper？
如果部分課題或題型仍然未熟，建議先以 By-topic 為主，集中處理自己較弱嘅部分；當主要題型掌握得比較穩定，再逐步加入 By-year 或完整試卷。唔需要一開始就追求每星期完成一份完整 Past Paper。
3. 中四、中五、中六嘅 BAFS 溫習時間表有咩分別？
中四主要係建立基礎及跟上課堂進度；中五可以逐步增加不同課題嘅整合及歷屆題練習；中六則要由理解及操題，逐步轉向限時、完整試卷及考試模式。溫習時間亦應隨 DSE 臨近而逐步增加。
4. BAFS 做錯題之後，應該繼續操題定係返去重溫 Concept？
首先要分辨錯誤原因。如果係概念未掌握，應該先返去重溫相關 Concept，再做幾條同類題目；如果只係審題、計算或答題步驟出錯，則可以針對錯誤位置重新練習。單純不停做新題，未必可以解決重複出現嘅錯誤。
5. BAFS 用 iPad 做題，定係紙筆溫習比較好？
電子工具適合整理 Notes、搜尋資料及重溫內容，但正式操題時仍然應保留一定比例嘅紙筆練習。因為 DSE 考試需要實際落筆作答，紙筆練習可以同時訓練書寫速度、計算步驟及答題習慣。