「地理係咪淨係識死背名詞？」呢句嘢我聽過好多次。
材料多、名詞長，好多同學一開始都諗住靠背，但背嘅嘢考完就唔記得，DBQ 同短文題根本唔係考你背幾多，而係考你識唔識「用」返啲概念。
分享 3 個貼士，唔使死記，一樣溫得穩陣。
一、DBQ、ESSAY 要背嘅嘢，根本同 MC 係唔同
你要理解一本教科書入面，其實全部嘢都會出 MC，但係我哋做啱一條 MC，唔使要詳盡仔細將目錄嘅內容都要吞晒去。
而真正出 DBQ 同埋 essay，只不過佔所有筆記入面大概 20%。我哋淨係集中精力去背熟呢 20% 嘅精髓就夠㗎啦。
所以切記，唔好版版筆記都用相同力氣去溫習。
二、背地理一定要先背框架
好多人背地理科都係將教科書內容成段背落去。譬如 C5 教到南加州嘅氣候嗰陣，就會俾一大段文字你，但其實我哋係要將「氣候」呢個字拆細成為六個唔同框架：
1. 年平均溫度
2. 年溫差
3. 低於零度嘅月份數字
4. 年雨量及蒸發量
5. 降水嘅空間分佈
6. 降水嘅季節性分佈
咁樣做法就可以確保每一個大概念入面有幾多個相關嘅小概念，就唔會諗漏嘢啦。
三、溫書時間要分開「輸入」同「輸出」
淨係不斷「睇」筆記、睇書，睇極都覺得唔踏實，因為睇書係「輸入」，考試要求嘅係「輸出」，兩件事唔同，淨係練其中一樣唔夠。
建議三分之一時間睇筆記、整理概念（輸入）；三分之二時間一定要做 past paper、寫答案、對答案（輸出）。就算得半個鐘，都寧願做一條 DBQ 細題，好過再睇多一次筆記。做完仲要對答案，睇清楚自己係唔識答、答錯方向，定係識但寫得唔夠清楚——搞清呢樣，先知下一步點改善。
地理呢科，識得「用」概念遠比識得「背」概念重要。畫地圖、連生活、分時間，呢三個習慣唔使一日見效，堅持一兩星期，你會發現自己睇題目嘅角度真係唔同咗。
想知自己嘅溫習方法仲有咩可以執？
歡迎 WhatsApp 明道，交低你最近做過嘅一題ESSAY (無論喺功課、測驗或者考試都係，最好就係Past Paper)，等TITUS幫你免費改以及寫返一份詳盡報告俾你，幫你睇下實際仲差啲乜俾返精準嘅意見俾你呢！
免費資源：【SEND ESSAY PDF 去 +852 6976 7698】
想直接傾：WhatsApp 明道教育