2030 年起，DSE 歷史科同中國歷史科都會採用新考核安排。
兩科均有新增多項選擇題（MC），但加入嘅卷別、題數同其他改動並唔一樣。先睇清楚改革內容，再講溫習上有咩值得調整。
2030 年改革咗啲咩？
以上係按考評局公布嘅樣本試卷整理。想直接睇題目，可以按科目下載：
最容易混淆嘅一點：中史嘅 MC 喺卷一；歷史科嘅 MC 喺卷二。
兩科仍然有需要組織文字答案嘅題目，所以唔好見到「新增 MC」，就以為只需練選擇題。
新增 MC，背熟筆記仲夠唔夠？
人物、年份同事件當然要記，但係記得一件史實，未必等於識得判斷一個選項。
例如兩個選項都提到同一事件，分別可能只在於先後次序、事件成因，或者影響是否講得過於絕對。如果溫習時只係 背低一句結論，做題時就容易覺得「兩個答案都好似啱」。
中史同學可以試吓將每個課題整理成：背景 → 事件 → 結果 → 影響。完成後，自己寫一個容易混淆嘅說法，再解釋佢錯喺邊。
歷史科同學則可以喺對完 MC 答案後，多做一步：逐個睇錯誤選項，分辨係史實錯，定係選項當中的判斷存在邏輯謬誤。
2030 考生可以點開始準備？
先確認自己嘅應考年份同選修科目。上述安排適用於 2030 年起嘅文憑試；於較早年份應考嘅同學，應按自己所屬年份嘅考核資料準備。
如果你係讀新課程嘅學生，務必記錄以下數點應試錦囊：
- 考試需要技術，考得好係有方法。
教學多年，遇過唔少對歷史有濃厚興趣嘅學生，兼且有豐富嘅課外知識，但佢地唔係個個都能夠喺DSE考試入面攞到好成績。因為佢地缺乏考試所需要嘅思維、技巧以及框架。
- 「記憶咗大量史料」不等於「理解歷史發展」，補咗8堂/10堂答題技巧根本唔足夠你去考DSE。
其實大部份學生都缺乏代入感和政治觸覺，對於歷史發展、因果關係、不同國家嘅意識形態等等其實毫不了解。以為自己明白歷史，但其實完全不通曉歷史發展，腦袋完全未經開發和激活。好似學英文咁，你地連一句grammar冇錯嘅句子都寫唔出，學作文框架同閱讀理解技巧有咩用？連歷史邏輯都未通，俾幾多答題技巧同框架你都冇用。
- DSE 歷史科考核嘅係核心係高階思維能力 (high order thinking skill)，並非死記硬背。
透過多項選擇題（Multiple-Choice Questions），考評局希望學生在熟記史實之外，能夠培育出辨別邏輯謬誤的能力。
透過歷史資料題（Data-Based Questions），考評局希望學生能夠發展出代入一個「陌生複雜且不熟悉的歷史情景」的能力，代入別人的觀點作出思考和判斷，從而理解不同的意識形態和價值觀如何碰撞。
透過論述題（Essay-typed Questions），考評局希望考生能夠發展出組織論點以及分析大量史料嘅能力。
所以，三種試題由頭到尾都唔係齋考你記憶史料。
如果你想了解自己做歷史題時卡喺邊個環節，或者想按年級、學校進度和學習需要了解課程安排，可以瀏覽明道教育歷史科課程頁面，或者 WhatsApp 明道教育查詢。