DSE 就快嚟啦，想考好數學但又唔知從何著手？無需擔心，今日小編我會同大家分享一啲高效操卷嘅方法，幫各位同學仔係有限嘅時間內大幅提升成績！
DSE 數學考核要求
首先，我地要了解一下 DSE 數學嘅考核要求。2024 年 DSE 數學分為兩份卷：
- 卷一（Paper 1）：傳統題，考試時間 2 小時 15 分鐘，佔全卷 65%
- Section A1：9-10 題簡易問題
- Section A2：5 題較難問題
- Section B：5 題高階問題
- 卷二（Paper 2）：多項選擇題，考試時間 1 小時 15 分鐘，佔全卷 35%，總共有 45 條題目，考生需作答所有題目。
HKDSE Maths 中六操卷前準備
其實從一月開始，已經進入咗同學們「最佳搏殺期」！咁究竟點樣可以好好把握呢段時間，為 DSE 數學做好準備呢？
首先，相信大家都應該已經接觸過每個 chapter，亦都知道自己邊個 chapter 特別弱。建議大家可以針對呢啲薄弱嘅部分，逐個 topic 做多幾次，咁樣就可以提升自信，減少對呢啲課題嘅擔憂。
每週操練係關鍵
數學都係一科需要時間纍積以及浸淫嘅科目，理想情況下，每個星期至少做一份 Past Paper。即使有時候某啲日子忙到唔得閒，都可以每晚訓教前抽時間背啲重要概念、公式（例如四心特性），咁樣都可以幫助自己更深入記憶。
操完 MC 卷先做長問題
同時，都會建議大家先做多啲 MC 卷，再轉去做長問題（Long Question, LQ）。因為 MC 卷可以涵蓋到更多嘅 Topic，而時間成本又比較低，效果會高過做完整一份 Paper 1。等到2-3月，大家應該已經做完 by year 嘅 Past Paper，雖然係咁，但不妨再做多次！因為吸收咗之前嘅教訓，重新測試自己嘅水平，可以幫助你更好掌握知識。
了解出卷模式同考核範圍
其實唔少同學都忽略咗額外嘅操練，以為淨係做教科書上或者老師布置嘅功課就已經足夠。不過事實上好多時候，呢啲練習未必符合考評局嘅要求，所以即使做得再多，都未必能夠有效提升成績。
故此了解出卷模式真係非常重要！透過了解考評局出卷嘅習慣同埋出題嘅伏位，大家可以更加針對性咁去準備。而操練 Past Paper 同高質素嘅 Mock Test，更加係必不可少！不過，有啲同學可能唔太清楚點樣分辨質素高嘅練習，呢個就要留意啦！
所以！Past Paper 係一個超級重要嘅資源，無論係 DSE 定係 CE，大家都應該抽取重點出嚟操練，無論係by-topic 定係by-year。透過呢啲資源，同學仔可以更好地理解考試範圍，掌握出卷嘅脈絡，咁大家喺考試嗰陣就能夠更加從容應對！
準備筆記同錯題簿
而家對中五同學仔嚟講，最重要就係溫故知新。你知唔知自己平時做咩題目會錯、點解會錯？而且對於新學嘅知識，是否有進一步深化理解呢？有好多同學勤力吸收新知識，但其實經常性忽略了「output」呢個重要步驟，結果無法好好消化自己嘅錯誤。
所以，會建議大家準備一本錯題簿，將你做錯嘅題目同答案記低，並且標註清楚自己點解會錯，咁樣就可以提醒自己下次唔好再犯同樣嘅錯誤。準備錯題簿唔單止係記錄錯誤，更加係幫助你未來溫習嘅工具。
要整一本有用嘅錯題簿，最好要包含以下幾個元素：
- Past Paper 題號：記住你做過邊條題，方便日後檢查返。
- 錯誤原因：寫低錯嘅原因，咁下次做題就可以注意。
- 重複錯誤次數：如果你發現自己經常犯同一個錯誤，記低次數，咁可以提醒自己要改正。
- 需要重新溫習嘅概念：標註出需要再次溫習嘅概念，咁你可以逐步加強自己對知識嘅掌握。
清楚概念 + 熟習常見題型
初中 Concepts
初中嘅課題大約會佔 DSE 數學題目嘅 30%，但好多同學往往會忽略呢啲基礎，可能覺得佢哋太簡單，冇咩挑戰性。但其實咁樣係大錯特錯！因為就係呢啲題目，大家經常會失分。
舉個例子，二進制同十六進制嘅題目，每年都會考，但係直至 2021 年，竟然有六成嘅同學都做錯咗！呢個真係警號，代表大家對於初中課題嘅概念唔夠熟悉，結果喺簡單題目上都失分。所以，建議大家一定要抽時間溫習初中嘅內容，唔好小覷佢哋。
高中 Concepts
至於高中部分，DSE 嘅課題並唔係每個都需要花好多時間去溫，有啲課題其實相對簡單，重點係要有個有效率嘅學習順序。建議大家可以由中四嘅課題開始，因為好多都係中五嘅基礎。而有啲課題，例如 Statistics 同 Probability，可以單獨去溫習，因為佢哋之間冇特別嘅聯繫。
總結
最後，大家一定要根據自己嘅目標水平，安排適合自己嘅溫習內容，咁樣先唔會浪費時間。希望大家都能夠把握好時間，清楚概念，熟習常見題型。