Floppy Chan

floppy聽日就放榜啦 喺放榜前想同你講少少感想 其實我感覺上好熟悉你 因為成日睇片見到你 但其實你應該唔係太熟悉我哈哈 因為我淨係想過嚟幾堂實體堂 初初都係師兄介紹我嚟補你 第一堂覺得好有趣 刷新左我對補習老師嘅印象 以前補過大型補習社 啲老師講嘢機關槍咁款 但都係有啲悶 有啲迷 不過你講得好生動好有趣仲有粗口輔助你表達😂之後講到第二次世界大戰嘅三角關係 嗰陣就萌生左讀政治嘅念頭 你係令到我知道咗自己對大學讀咩科有興趣 最後因為讀政治感覺上太揸兜 我ucas揀咗國際關係 雖然我嘅pg唔夠入kcl嘅國際關係 但佢最後見到我personal statement好適合讀佢哋嘅war studies就轉左我去嗰科 最後就有咗kcl嘅conditional offer 呢科我其實覺得幾有趣所以我唔介意佢轉咗我走 除此之外仲有st andrews嘅international relations conditional offer 我真係好想讀 多得你令到我對呢樣嘢有興趣 令我知道自己大學想讀啲乜嘢 同埋想講嘅係我DSE考七科 geog econ hist入面我最有信心嘅係history 都係多得你補習嘅時候完全唔悶 我睇geog啲補習片嘅時候感覺超悶-_- 不過可能都因為我興趣唔大 Lol 但我超有心機咁睇晒你全部嘅片 好多謝你對教學同埋學生嘅熱誠 雖然感覺上好chur好辛苦 但都feel到你係真係鍾意做呢一行 辛苦晒喇 我寫咁多只係想你知道 我係因為補咗你先啟發到我大學想讀嘅科 thank you so much!! ❤️🫶🏻

Floppy，好多謝一路上有你帶住我讀History! 我真系超級懶，堂堂唔交功課，不過係你呢度真系學到好多野。點講呢？我自己讀緊中史, Hist, Econ，係咁多科入面我越讀越中意Hist，尤其係因為你嘅堂。好似成個21世紀嘅世界都同20世紀Hist有千絲萬縷嘅關係，加上你帶住我地讀Hist一D課本冇講老師冇教嘅知識同skills，其實有種特有嘅韻味，真系讀得好開心！tbh我真系好想好想係Hist拎到**，好想同你影相拎獎學金🤩🤩 嘿嘿，如果Hist有**，希望我可以拎到5科甚至6科5**返黎比你sell😋

26dser報到✋🏻多謝floppy呢一年嘅用心教導。當初係第二期開始嚟補你，上你堂氣氛真係好好，又會鼓勵我哋去答多啲問題，真心係呢一年學咗好多嘢😭令我明白讀歷史唔係淨係死記硬背，加上你仲會每個禮拜搞操卷班，好成功咁鞭策懶惰嘅我，最尾都攞左個lvl 5返嚟，感謝floppy🙂‍↕️👍🏻

Floppy 教書好清楚，最有用係佢會將好複雜嘅歷史事件拆到好易明。以前我成日搞亂時間線同因果關係，但佢會用好有系統嘅方法幫我整理，聽完真係會記得入腦。加上佢成日提住考試常見問法，感覺唔係齋讀書，而係真係學識點樣攞分。

好多謝今日intensive嘅最後一堂 喺最後聽到你講嘅一番話真係喺度強忍淚水 好感激被frd推介到你呢個咁好嘅hist老師 寫唔到咁長去表達自己嘅諗法 但都係想講多一次多謝你用心教嘅所有知識並會銘記在心 放榜之後photo day再見😄👋🏻

以前我讀 History 真係淨係靠死背，一去到 essay 就唔識組織，成日寫到一大堆但唔中 point。Floppy 上堂會教你點樣拆題、點樣揀史實、點樣砌論點，唔係叫你背晒成本 notes。上咗一段時間之後，明顯覺得自己答題有方向咗好多。